Iloy patay matapos gintiro sang tanod sa siudad sang Victorias. Motibo sa krimen pagpangimon.
Patay si Emily Loreda, 58-anyos matapos nga gintiro sang isa ka barangay tanod nga si Joselito Salioc, 54-anyos sa Hacienda Loreta Chang, Brgy. 10 siudad sang Victorias Martes sang gab-i.
Suno sa kay Police Captain Genus David ang Deputy Chief of Police sang Victorias City PNP, nagapanyapon ang biktima sang hinali ini nga ginsulod sang suspek nga hubog kag nagluntad ang binaisay tubtub nga gintiro sang tanod ang biktima.
Dugang pa sang pulis, antes pa matabo ang insidente kapila na magbalik-balik ang suspek sa balay sang biktima bangud gina-alegar nga naga pangimon ini.
Nagaguwa sa ila nga imbestigasyon nga lunsay may mga asawa kag bana kag mga kabataan ang biktima kag ang suspek. Magbilas lang man ang duha.
Nakuha sa lugar sang insidente ang isa ka unit sang cal. 357, kag lima ka mga bala nga ginapatihan ginbilin sang suspek matapos ang krimen.
Sa karon nagapadayon ang pursuit operation sang kapulisan batuk sa suspek. Desidido ang pamilya sang biktima nga magpasaka sang kaso.