Mangompra lang kun tani sang ila ibaligya pasado las dos kaina sang kaagahon ang 50 anyos nga si Elmera Agravi upod ang iya napulo ka tuig nga anak, pero wala na sila makalab-ot sa merkado matapos mabungguan ang ila nga e-bike sang isa ka awto sa Circumferential Road sa Bacolod.
Suno kay Lt Greey Cayao, deputy chief sang Police Station 4, sila ang yara sa pareho lang nga lane kag hinali lang ang pag bunggo sang salakyan sa likod nga bahin sang e-bike.
May kadasigun ang pag padalagan sang driver sang awto suno sa pulis.
Pareho nga gindala sa ospital ang mag iloy pero gin deklarar nga dead on arrival ang 50 anyos nga nanay. Padayon naman nga gina bulong sa ospital ang anak.
Detained man karon sa Police Station 4 ang driver pero may inisyal na nga pag aregolahany suno sa pulis.