Ginmanduan ni Punong Barangay Febe Legaspi sang Handumanan ang mga Barangay Health Workers nga pangitaon ang iloy sang lapsag nga babayi nga ginlubong sa bakante nga lote sa Zone 7, Martes sang gab-i.
Suno sa hepe sang Police Station 10 nga si Police Captain Lelani Laguting, ginpatawag ang mga BHW kag ginmanduan nga libuton ang barangay kag usisaon ang mga babayi nga nagapa-prenatal check up kag mga bag-o nagbun-ag.
Sa imbestigasyon sang Police Station 10, mga kabataan nga nagahampang sa lugar ang nakakita sa lapsag nga ginlubong sa halos sobra isa ka dangaw lamang nga kadulumon.
Ang lapsag naputos sa sibin kag ginsulod sa karton.
Suno sa mga kabataan, isa ka lalaki ang nagserbe nga lookout samtang isa ka babaye kag isa ka lalaki ang naglubong sa lapsag.
Matapos nagbiya sa lugar sang mga naglubong sang lapsag ginpalapitan sang mga kabataan ang ginkutkutan kag ginlantaw.
Didto kag ginkakibot nila sang makita ang patay nga lapsag kag duguon pa.
Padayon ang pag usisa sa mga naga bulusong sa barangay.