Sa video nga kuha kahapon sang aga ni Spincer Ayco nga nag labay sa gwa sang Corazon Locsin Montelibano Memorial Regional Hospital sa kilid sang dalan Lacson, makita ang isa ka babaye nga nagbata sa guwa sang ospital.
Madasig nga nag-viral ang video.
Ginkumpirma sang management sang CLMMRH ang insidente kag sa statement nga ila gin-release, nag responde gilayon ang ila Nursing Service kag OPD teams matapos mahibaluan ang sitwasyon agud mabuligan ang iloy kag masiguro ang kaluwasan nila sang iya anak.
Sa karon, pareho nga luwas kag estable na ang ila kondisyon.
Wala na nagdugang pa sang detalye ang ospital para sa privacy man sang pasyente.
7 posted
Mangunguma pilason sang gintiro sang mga armado sa DSB
Shiela
Pilason ang isa ka mangunguma matapos gintiro sang duha ka mga suspek sa Purok Kulasi, Barangay Kumalislis sa banwa sang Don Salvador Benedicto, kagab-i.Hwbese sang gab-i
Gindala sa DSB Municipal Health Unit apang gin-refer sa ospital sa Bacolod City ang 43-anyos nga mangunguma matapos maka angkon sang igo sang bala sa tiyan.
Sa imbestigasyon sang DSB PNP, nagatindog sa gwa sang iya balaligyaan ang biktima sang siya ang gintiro sang duha ka mga persona.
Nalagyo ang mga suspek sakay sang itom nga motorsiklo.
Narekober sa crime scene ang isa ka fired cartridge case sang caliber .45 nga pusil.
Ginsiling ni Police Major Ellendie Rebusquillo, hepe sang DSB PNP, away sa duta ang anggulo nga ila ginalantaw sa insidente. May mga persons of interest naman sila apang subject pa for further investigation.*