Ginakabig isa ka baganihan ang ginhimo nga pagsalbar sang isa ka iloy sa iya duha ka bulan nga baby kag sa iloy sini sa Barangay Mabigo, Canlaon City sang maglaslas si Bagyo Tino.
Na-anod sang nagaragasa nga tubig baha ukon flash flood si Frances Angela Garilao-Pecson, isa ka Chemical Engineer.
Apang bisan sa ulihi nga tinion sang kabuhi ni Frances Angela, iya ginhimo ang tanan agud ma-proteksyunan ang iya bata kag masalbar ang iya iloy.
Nawasak kag na-anod man ang balay sang ila pamilya.
Tinalikdan nga bulan, nagtaliwan man ang amay ni Frances Angela.
Sa karon, naglunsar sang donation drive ang mga abyan, classmates kag kaupdanan sa obra ni Frances Angela agud magbulig sa iya nalisdan nga pamilya nga maka-recover sa trauma kag makapanugod liwat.
Nagakinahanglan ang baby ni Frances Angela sang extra nga bayo sang bata, baby supplies, beddings kag tubig.
Sa mga luyag maghatag sang bulig pinansyal, magpakig-angut lang kay Jasper Mike Pecson. *