Isa ka lapsag ang ginbun-ag sa isolation facility sang siudad sang Bacolod kaina sang aga.
Ginahanda na kuntani nga pasakyon sa ambulansya ang 20 anyos nga iloy para dal-on sa Bacolod City Lying-in Center sang hinali na lamang ini nga nagbun-ag sang iya babaye nga lapsag sa Midway Isolation Facility sa Barangay Aljis.
Ang mga on duty nga midwife kag mga medical responders sang Disaster Risk Reduction and Management Office ang nagbulig sa pagpabata sang iloy nga taga Barangay Estefania.
Siya ang isa ka Ccovid-19 patient nga nagapaidalum sang iya katorse ka adlaw nga quarantine period.
Gilayon nga gindala ang lapsag sa lying in center para mahatagan sang nagakaigo nga pagtatap pero ginakabig ini sang mid wife nga isa ka healthy baby girl.