Probinsya sang Iloilo ang temporaryo nga untat sang pag issue sang certificate of acceptance para sa mga baboy gikan sa Negros Occidental.
Ginsiling ni Dr Ryan Janoya ang OIC karon sang Provincial Veterinary Office, nga sang nagligad nga semana nag sugod ang pag untat sang Iloilo Province sa pag issue sang certificate of acceptance para sa Negros Occidental.
Paathag ni Janoya luyag anay sang Iloilo nga iplastar ang stockyard nila. Luyag man sang Iloilo nga may naplastar sila nga mga inspectors sa kada destinasyon.
Gani resulta sini madamo karon sang supply sang baboy sa Negros Occidental kag gusto man sang probinsya nga mapangitaan sang market para sa sining mga baboy.
Compliant suno sa iya ang Negros Occidental sa requirements sang Iloilo kag naga pabilin nga wala sang active nga kaso sang African Swine Fever sa Negros Occidental.
May gamay sa karon nga pag nubo sa presyo sang baboy sa probinsya bangud dala sang pagsaka sang supply.
“Nag advise si Iloilo nga ma hold anay sila since last week. Although nga na comply ta na ang mga requirements, pero wala sang may gin accept anay nga shipment ang Iloilo kay amo to ang advise nila nga iplastar nila anay ang mga stockyards nga kadtuan gid kay gusto man nila nga as part man sang biosecurity measures i strengthen man nila ang kada destination bala I make sure man nila nga may appropirate inspectors sila nga naka assign”, suno kay Janoya.
[sibwp_form id=1]