Wala pa may nakita nga basehan ang Office of the Provincial Veterinarian nga mag patuman sang multa sa mga nagasupak sang banning sa pork kag pork meat products.
Suno kay OIC Provincial Veterinarian Dr Placeda Lemana, sa ila nga assessment magagmay ang mga apprehension sa airport kag sa iban nga pwerto sakop sang probinsya. Ang main nga bulk sang apprehension yara sa Bredco kag Banago Port nga sakop naman sang jurisdiction sang Bacolod City.
“So far indi pa man need base sa amon assessment diri sa province kay ang bulk of apprehension ari di sa Bacolod kag mas daku ila burden kag diri makita ang major ports” suno kay Lemana.
Sa Nov 7 to 13 nga apprehension report sang joint ASF Task Force sa 422.5 kilogram nga ila nadakop, 402.55 kilograms ang gikan sa Banago kag Bredco Port.
Lunes, gin pahayag ni Dr Ma Agueda dela Torre ang city veterinarian sang Bacolod nga maga sugod na ang siudad patuman sang multa sa mga madakpan nga naga supak sang banning sa pork kag pork meat products sa Bacolod.
Samtang, nagalaum naman si Lemana nga kuntani ang Iloilo ang maga bulig man sa kampanya bahin sa information dissemination agudto malikawan na nga daan sa puerto pa lang ang pagbitbit sang mga gina dumilian nga produkto.
“Tani buligan man nila kita no through information dissemination man didto sa pihak nga tani i-inform man ang mga pumuluyo indi magdala sang mga pork products sa Negros”, suno kay Lemana.