Pito ka mga hayob-hayob gin-demolish sa Cuadra Street sa Bacolod.
Nagligad pa nga binulan sang ginpadal-an sang final notice ang mga tag-iya sang mga payong-payong nga naga-serbe hayob-hayob sang mga street dwellers sa dalan Cuadra kag Locsin Street sa Bacolod.
Gani kaina ginsuguran sang City Legal Enforcement Unit ang demolition sang pito tanan ka mga ginakabig illegal structures kaupod ang mga barangay officials.
Ginsiling ni CLO enforcement unit head former Police Colonel Levy Pangue nga masami ginahukmungan sang mga bugaw kag mga tambay sa Bacolod Public Plaza ang amo nga mga hayob-hayob.
Madamo sa mga motorista ang nagareklamo tuga sang naga-alisngaw na nga baho halin sa mga hayob-hayob.
Ginpaandaman sang Enforcement team ang mga tag-iya nga indi na magtukod liwat sang mga illegal structures makaligad ang clearing operation.