Nag convene ang Local Conservation Authority sang Cadiz City sa tinutuyo nga matutukan ang pag tuhaw sang illegal structures sa sulod sang mga multi use zone.
Suno kay Mayor Salvador Escalante, mga 80 por siento sa mga dalan padulong sa kabukiran ang ila na nga na semento rason nga mas nangin accessible ini kag madamo ang nagapadulong sa kabukiran.
Pero dapat mangin pro-active suno sa iya ang siudad para malikawan ang pagluntad sang illegal activities.
Sini lamang nag issue ang DENR kag Cadiz City Environment and Natural Resources office sang notice of violation kag stoppage order sa illegal contruction sa sakop sang Northern Negros Natural Park sa Sitio Pakol sa Brgy Celestino Villacin sa Cadiz City.
Isa ka 2-storey nga balay ang ginapatukod. Suno kay Escalante ang mga bagay nga iligal dapat nga pauntaton kag kakson.
Panawagan niya labi na sa mga barangay officials nga dapat mag panilag kag ipasiguro nga ang mga ginatukod may nagakaigo nga mga permiso.
“Ang importante gid ang aton barangay officials. They should be aware sang ila obligation. Any construction ga agi gid una sa barangay”, suno kay Escalante.
Ang mga naga supak dapat nga maga panabat kag maga atubang sang kaso.
“Let this be an example. This is the second. Nagpatindog sya balay gin guba gid to. Kag gin filan gid kaso. Ang duha nga gina hambal ko filan ta man na kaso”, suno kay Esclante.