Tutukan sang probinsya ang illegal quarry.
Ini suno kay Board Member Andrew Montelibano ang chairperson sang Committee on Environment sang Sangguniang Panlalawigan sang Negros Cccidental.
Suno kay Montelibano unahon ni panigta ang mga iligal nga quarry. Suno sa iya may mga nabaton sila nga report tuhoy diri.
Sang nagligad nga semana isa ka pagsinapol ang ginpatigayon sang komitiba para mapat od ang gintunaan sang pagbaha sa third district.
Suno kay Vice Governor Jeffrey Ferrer kun mapamatud-an nga ang pag quarry amo ang nag tuga sang pagbaha ginalantaw nila ang moratorium para diri.
Suno kay Montelibano sa impormasyon sang PEMO may isa ka libo nga pending nga application para sa pagkuha sang permit.
Sini lamang nakabaton sila sang report nga pagkaguba sang isa ka taytay sa Manapla kag usisaon pa nila kun bala ang quarry malapit diri ang nag tuga sang pagkaguba.
Natalana pa nga mag patigayon sang survey ang probinsya sa masunod nga mga semana sa mga quarry nga gina patuman sa third district.
May gina usisa man sila nga impormasyon tuhoy sa illegal logging malapit sa first district suno kay Montelibano.