Gin-dismiss sang Prosecutor’s Office ang illegal gambling complaint nga gin-file sang National Bureau of Investigation batuk sa duha ka Punong Barangay sa Kabankalan kag Punong Barangay Noli Villarosa sang Barangay Tangub sa Bacolod.
Suno kay William de Arca ang Investigator sang kaso, nabatonnila ang kopya sang dismissal sang nagligad nga semana.
Suno sa iya na dismiss ang illegal gambling complaint batuk kandayFranz Leonard Seguero, Joel Alibango kag Villarosa bangudsang kakulang sang ebedensya.
“Nagpadala result ang Fiscal’s Office na dismiss ang gin-file namon na kaso against sa barangay captains”, suno kay de Arca.
Ila pa iga pat-uron kun may makuha pa sila nga dugang ngaebedensya kag depende pa sa ila nga legal office kun bala magafile sila sang motion for reconsideration.
Suno kay Villarosa nga gin-tag bilang financier sang illegal Small Town Lottery sa amo nga complaint, politically motivated ang pag lakip sa iya sa reklamo.
Wala pa gani siya naka file sang iya sabat kag siya ang naghinyo sang extension sadto para makasabat, na dismiss na ang reklamo nga naga lakip sa iya.
“Nangayo kami extension 10 days, pag pangayo namon approve man. Nag submit kami extension (for submission) for counter-affidavit. Ma submit ka pa to counter affidavit kay gin-dismiss na sang prosecutor”, suno kay Villarosa.
Wala man siya sang kapasidad para mag finance sang STL.
Nagpatigayon ang NBI sang entrapment operation sang Pebrerosa Kabankalan City kun sa diin apat ka STL bet collector kagbettor ang na-aresto.
Natukiban man sang NBI ang meeting ngaginsakdag sang mga punong barangay upod sa gina alegar manager sang illegal STL nga gin patigayon sa government facility.