Truckload sang mga illegal campaign materials napangkakas sa dalan Lacson sa Bacolod paagi sa Comelec Oplan Baklas, dungan sa campaign sortie sang senatorial candidates sa probinsya kaina sang aga.
Ginkinahanglan pa sang katapo sang COMELEC sang mga singit nga salsalon agud nga mapangkakas ang mga naga kinabit nga mga illegal campaign materials sa mga poste sa dalan Lacson kaina.
Ginsiling ni Bacolod Election Officer Revo Sorbito nga madasun nila nga iga-inventory ang masobra isa ka truck sang mga napangkumpiskar nga tarpaulin kag posters nga ipadala sa COMELEC Main Office.
Ini agud nga mapasaka ang nagakaigo nga kaso batuk sa mga natungdan nga kandidato, kadam-an diri nagapapili sa senatorial kag partylist elections.
Kaupod sang COMELEC sa pagpatigayon sang Oplan Baklas ang katapo sang DPWH kag Bacolod PNP.
Dungan ini sa ginlunsar nga campaign sortie sang mga senatorial candidates sa probinsya.