Iligal nga droga, utang nga wala mabayaran, pila sa mga gina tan-aw nga motibo sang PNP sa pag patay lalaki nga under probation sa Mandalagan kahapon.
Padayon pa ang imbestigasyon sa karon sang Police Station 3 may angut sa natabo nga shooting incident kahapon sa Villa Lucasan sa Barangay Mandalgan kun sa diin ang napatay amo si francis Mark Rito nga karon under probation sa kaso nga theft.
Papuli na si Rito kahapon sang siya ang ginbalbagan kag gintiro sang wala pa makilal-an nga suspek.
Suno kay Captain Armilyn Vargas, hepe sang Police Station 3, isa sa ginatan-aw nila nga anggulo amo nga may nautangan sadto si Rito nga wala mabayaran amo kun ngaa siya ang gin patay.
Mahimo man may kaangtanan sa iligal nga droga suno kay Vargas bangud sa nalakip man si Rito sa drugs watchlist sang Police Station 3.
Ini ang indi pa nila mapat-od bangud sa wala pa sila tubtob karon sang may ma identify nga suspek.
Gina usisa pa man sang Police Station 3 ang CCTV nga malapit sa lugar.