Arestado ang 34 anyos nga si Michael Bermejo matapos makuhaan sang iligal nga droga kag granada kaina sang kaagahon sa Barangay Nanca sa EB Magalona.
Ginpatigayon sang kapulisan ang search warrant operation sa balay ni Bermejo kag didto nakuha ang 14 tanan ka sachet sang suspected shabu nga gina bulubanta naga balor sa masobra 400,000 pesos.
Magluwas sa shabu, isa man ka granada ang nakuha sa balay sang suspek. Samtang, arestado man ang 46 anyos nga si Reynaldo Dela Torre sa buybust operation kahapon sa Barangay 12 sa Victorias.
Nakuha sa buybust ang iya ginbaligya nga 9mm caliber pistol lakip na ang duha ka magazine kag 18 ka mga bala. Detained na karon ang mga gin dakop kag magapangatubang sang nakalalain lain nga kaso.