Ika apat nga tranche sang community kitchen nga pamunuan sang probinsya sang Negros Occidental gamit sang pondo gikan sa Malacanang ang pagasugudan bwas, Hwebes.
Suno kay Provincial Administrator Rayfrando Diaz sa 50 million pesos nga gin-release sang Malacanang, 31. 9 million pesos na diri ang nagamit bilang bulig sa mga apektado sang bulkan Kanlaon.
Ini ang naga lakip na sang feeding pinaagi sa community kitchen kasubong man pag bakal sang materyales sa relocation sa siudad sang Bago.
May masobra sa 18 milyones pesos nga nabilin.
Ang damlag pa 14 million pesos nga ginpain para kuntani sa materials and labor para sa relocation sa mga apektado man sa La Castellana ang gin gamit na lang anay para sa iban nga mas labing kinahanglanon pending sang approved nga plano suno kay Diaz.
Wala naka kuha sang clearance ang La Castellana para sa proposed relocation site sini.
Sa tion nga may pat-od na nga plano suno kay Diaz hatagan ini sang pondo sang probinsya.