Nasapwan nga patay si Nilo Salomag, 35-anyos matapos mag angkon pilas bangud sang igo sang bala sa Sitio Dugma, Brgy. Malatas sa Calatrava Hwebes sang aga.
Sa imbestigasyon sang Calatrava PNP, isa ka mangunguma ang naka sapo sa bangkay sang biktima.
Antes nasapwan nga patay, nakita pa ini siya nga may upod nga isa ka persona nga ginkilala sa kay alyas Jepoy.
Nakabati man ang mga residente ang sunod-sunod nga mga lupok pero wala nila ini ginsapak.
Personal nga dumot ang gina lantaw sang PNP nga motibo sa pagpatay sa biktima.
Si Salomag ang ikatlo nga biktima sang pagpaniro sa Calatrava sini nga semana.