Ginserbe na sang siudad ang ikaduha nga notice of violation kag closure order sa inn nga wala business permit. Sini lang nga hapon gin serbe sang katapo sang Business permits and licensing office upod sa City Legal Office enforcement team ang notice of violation kag closure order sa management sang Tamera Plaza Inn sa dalan Lacson sa Bacolod.
Ginpahayag ni City Legal Officer Atty. Romeo Carlos Ting, Jr., nga napat-od ang pag operate sang inn nga wala sang business permit matapos nabiktima sang buka-kotse ang pamilya sang OFW nga nagtinir sa second floor sang inn.
Pangaduha na ini nga notice of violation kag closure order nga na issue batuk sa inn.
2022 sang ulihi ini nga nakakuha sang business permit.
Nanindugan ang tag iya sang inn nga naninarado na sila sang nagligad nga tuig kag ang naga renta sang second floor amo ang nagbaton sang guest paagi sa online booking.