76th Negros Island Victory Day ang gindumdom. Mga World War II veterans ang ginkilala kag ginpasalamatan.
Isa ka programa ang ginhiwat huwebes sang aga sa Provincial Capitol Lagoon kun sa diin ginpatigayon ang wreath laying ceremony sa monument of World War II Veterans kasubong man ang pagpatigayon sang 21-gun salute.
Ginpamunuan ni Negros Occidental Governor Eugenio Jose Lacson ang selebrasyon kaupod ang lokal nga mga opisyales kag ang pamuno sang pulis kag militar.
Suno kay lacson, ginkilala ang kaisog kag kusog kag pagkabaganihan sang mga beterano nga nagdepensa kag naghatag sang ila nga kabuhi para sa pungsod.
Sa tunga sang pagpanghangkat dala sang pandemic, suno kay Lacson, kuntani masunod sang mga negrense ang sakripisyo kag disiplina sang mga beterano agudto mangin madinalag-on man ang away sa karon.
Sa record sang PVAO, ukon ang Philippine Veterans Affairs Office may 16 ka mga buhi nga Negrense veterans sa karon.