Ignacio L Arroyo District Hospital sa banwa sang Isabela ang nag baton sang 2.5 million pesos nga balor sang computer kag medical equipment gikan sa NGO nga ang isa sa mga founder anak ni anay Congressman Ignacio Arroyo.
Ang Next Generation Advocate Foundation Ph, Incorporated nga gin tiglawas nanday Dina Arroyo-Tantoco nga isa sa mga founding members kag Princess Go nga amo nga presidente ang nag turn-over kaina sang aga sang 2.5 million pesos nga balor sang computer desktop, medical equipment kag pila ka mga instrument sa ospital nga gina tiglawas naman ni Negros Occidental Governor Eugenio Jose Lacson. Nagtambong man sa amo nga seremonya si Deputy Speaker Gloria Macapagal-Arroyo kag iya nga bana nga si Jose Miguel Arroyo.
Gin pasalamatan sang gobernador ang donasyon kag ang padayon man nga suporta sang pamilya Arroyo labi na sa bulig paagi sa pag palab-ot sang sining health services.
Suno Dina Arroyo-Tantoco ang turn-over kadungan sa kaadlawan sang iya nga nagtaliwan nga amay.
“We just wanted to help this hospital become a world class hospital that the District 5 deserve” suno kay Arroyo-Tantoco.
“Our family is able to get additionally get DOH accreditation for additional funding for 2.5 million and Next Gen will help execute that”, suno kay Arroyo-Tantoco.
Sa speech ni GMA iya ginsiling nga nagalaum siya nga padayon ang ila nga pag-ugyon kag pag upod sa pag trabaho sa pagsanyo sang probinsya labi na nga ang mga Arroyo ang taga Negros man.
“I’m very happy to be here with you all. Kag tani we will always be working together. For the progress of Isabela and the whole Negros Occidental”, suno kay Macapagal-Arroyo.
Yara man sanday Rep Dino Yulo kag Mayor Irene Montilla.