Siudad sang La Carlota ang maga decamp ukon maga papauli sang mga internally displaced persons nila sa Agosto 14.
Samtang, may 80 ka pamilya gikan sa La Castellana kag Canlaon City nga damlag pa nag decamp na ang nabilin sa mga evacuation center.
Ang Regional Incident Management Team ang nag bisita sa lugar sang mga apektado sang bulkan Kanlaon sa Bago City kag La Carlota sadtong Agosto 5.
Upod ang personnel sang Bago City DRRMO kag mga barangay officials sang Ilijan nag patigayon sila sang assessment sa kondisyon sang mga balay sang 22 ka pamilya nga sa karon yara pa sa permanent evacuation center sang siudad.
Suno kay Civil Defense Regional Director, Donato Sermeno III, sa Agosto 16 naka schedule mag pauli ang IDPs sang Bago.
Suno sa post sang DSWD NIR ang mga atop sang balay ang nag kalaguba na epekto sang ash fall, ang electricity service sa lugar apektado man. Kinahanglan sang recovery support ang mga natungdan.
Sa La Carlota City naman gina handaan ang pag decamp sang 61 ka pamilya ukon mga 225 ka indibidual gikan sa Brgy Araal.
Suno kay Sermeno, Agosto 14 natalana mag pauli ang mga IDP sang La Carlota.
Samtang, may 61 ka pamilya ukon 213 ka indibidual sa La Castellana kag 19 ka pamilya ukon 74 ka indibidual sa Canlaon City ang naga pabilin sa ila nga mga evacuation center kasunod sang pag decamp nila sang nagligad nga semana.
Ini base sa gin patigayon nga inventory sang OCD.
Suno sa OCD ini sila sakop sang 4km permanent danger zone.