Abril 18 sang nadula ang ido nga si Joker, kag Abril 19 nasapwan na lamang nga sunog na ang lawas sini sa Purok Mahogany, Barangay Oringao sa Kabankalan City.
Ang nagsunog, tupad-balay kag pakaisa man lang mismo sang bana sang tag-iya sang ido.
Depensa ni alyas “Romy”, wala na sang kabuhi kag nagapanimaho na ang ido sang makit-an niya ini sa sulod sang iya tangkal, gani nagdesisyon siya nga sunugon ang ido kag nagadali na siya tungod may laktan pa siya. Nagpanawag man siya sa iya kaingod apang wala sang may nagpalapit.
Suno kay alyas “JB”, himata sang tag-iya sang ido, ang ila man lang kuntani amo nga wala lang ginsunog ang ido bangud ginakabig na nila ini nga pamilya.
Nagpangayo sang pasaylo si alyas “Romy” sa pagsunog sa napatay nga ido.
Nagpakig-angut na ang fur parents ni Joker sa animal rights group para ma-imbestigahan ang natabo.*
[sibwp_form id=1]