Sa post sang BACH Project PH, isa ka non government organization nga naga pangapin sa mga kasapatan, makita ang video sang isa ka ido nga na comatose.
Sa caption nasulat nga ang amo nga ido ang na comatose matapos nga ginlampusan sang kahoy sang isa ka 20 anyos nga SK kagawad.
Ginpagwa lang kuno sang 11 ka tuig nga bata ang iya sini hinuptanan nga ido para mamuhin. Nakibot na lang ang bata sang makita ang iya nga ido nga may pilas na kay may naga gwa nga dugo sa iya sini nga baba.
Pinaagi sa bulig sang BACH PH nadala sa vet ang ido nga naka bugtaw kag naka ginhawa pa.
Naga lala kuno ang kondisyon sang ido gani naga pangayo man sang bulig ang organisasyon sa mga luyag magbulig para mabuhi pa ang ido.
Maka luluoy man kuno ang sitwasyon sang onse ka tuig nga bata nga na traumatize sa iya nga nasaksihan. Ginpa record na sang tag iya sang ido sa ila nga barangay ang natabo.
Wala nasaad sa post kun sa diin nga barangay natabo ang amo nga insidente.