Temporaryo nga nagbinalik sa ila nga mga lugar ang iban sa mga internally displaced persons ukon ang mga nagatinir sa evacuation centers para magboto kaina.
Si Barbara Montecino wala makaupod sa truck nga naghakot sa mga taga Barangay Masulog sa Canlaon City kay las kwatro pa lang sang kaagahon nanugat na ang truck.
Mansig-mansig na lang sila sang iya kaingiod sa pagpadulong sa Masulog Elementary School para magboto.
Nag upod sila sa newsteam para indi na magastuhan pa sa plete.
Gin istorya niya nga ini ang pinaka una nga tiun nga naabtan sila sang lima ka bulan sa evacuation center kag naabtan sang pinili-ay sa evacuation.
Mabudlay man ang sitwasyon pero naga sunod sila sa mandato sang gobyerno.
Sa Masulog Elementary School sa Canlaon City kaupod nila ang iban nga mga IDP sang Canlaon sa pagboto.
Gikan sa eskwelahan makita pa ang athag nga view sang bulkan.
Pagkatapos nila magboto balik na naman sila sa evacuation center kag wala pa sila makahibalo kun tubtob san-o sila maga pabilin didto.
Sa La Castellana, La Carlota kag Bago City sa Negros Occidental may halos 5,000 man ka mga IDP nga mga botante ang ginpang dala kag nag mato-mato kadto sa voting precincts nila.