Bago City, iban pa nga LGU sa probinsya interesado nga ipatuman ang QR coding sysyem sa PWD IDs.
Paagi sa social media nagpalab-ot sang sentimiento pati ang katapo sang Restaurant Owners of the Philippines angut sa epekto sang peke nga mga PWD nga padayon nga naga-apekto sa Negosyo.
Ini matapos nga may isa ka restaurant sa Bacolod ang nag-alegar nga liwat nga nabiktima sang mga nagapamentaha gamit ang PWD IDs.
Nanawagan si Mayor Albee Benitez nga dapat i-verify sang management sang mga commercial establishment ang mga IDs nga gina-present sang ila mga customer paagi sa mga QR codes.
Iya ginphayag nga sa karon may mga LGU na nga interesado nga ipatuman ang QR coding sa mga PWD kag Senior Citizen’s ID, nalakip na diri ang Bago City.
Sa Senate Committee hearing nga ginpangunahan ni Senator Sherwin Gatchalian naduso ang pag-adopt sang ginapatuman nga sistema sang Bacolod agud matapna ang mga fake IDs.
Ginapaabot sang alkalde nga ini ang masuguran nga sistema sa pila pa ka mga banwa kag siudad sa pungsod.