Magapatigayon sang moto proprio investigation ang Internal Affairs Service sang Philippine National Police sa ginpatigayon nga anti-illegal gambling operation sang kapulisan sa Purok San Jose Villa, Barangay Dancalan, banwa sang Ilog, Sabado sang gab-i.
Isa ang na patay samtang apat ang pilason, lakip na si Ilog Municipal Chief-of-Police Captain Thurslie Castillo matapos gin-alegar nagbato sa kapulisan ang mga nagahampang sang cara y cruz ukon hantak.
Suno kay Negros Occidental Police Provincial Office Spokesperson PCpt Judesses Catalogo nga ang independent investigation patigayunon agud usisaon kun natuman ang Police Operational Procedure sa pagpatigayon sang amo nga operasyon.
Damlag pa, nakabaton sang reklamo ang Ilog PNP nga madata ang panahor sa amo nga lugar gani nagpatigayon sang operasyon apang sa pag-abot sang kapulisan kag sa pihak sang pagpakilala ni PCapt Castillo, ila ini ginpulihan sa pagbuno rason sang pagbalos sang hepe paagi sa pagluthang.
Patay si Abundio Redoble, 35-anyos, matapos naigo sa dughan samtang pilason naman ang utod sini nga si John Mark kag si Samson Tagapan.