Mas hugot nga pagbantay sa mga ginakabig entry point ipatuman sang otoridad agud mapunggan ang pagsulod sang supply sang iligal nga droga sa Negros Occidental.
Ginapatihan nga gikan sa Luzon ang nakumpiskar nga malapit sa anum ka kilo sang shabu nga nagabalor P41M nga narekober sa buy-bust operation sa Barangay 35 sa Bacolod sang nagligad nga semana.
Gani sa ginpatigayon nga Joint Peace and Security Coordinating Council nga gintambungan sang PNP, ARMY, PDEA, Coast Guard kag BFP, natagaan atensyon ang hugot pa nga pagbantay sa mga sea port, airport kag iban pa nga gikabig entry point para mapunggan ang pagsulod sang supply sang iligal nga droga.
Ginpahayag ni BCPO Director Col. Joeresty Coronica kinahanglan nga mapasanyog pati ang coordination sa tunga sang law enforcement agency para mabalabagan ang entry sang illegal drugs sa probinsya.
Ini magluwas sa pagdugang sang personnel pati na K9 unit sa mga sea port, airport kag bus terminal.