Shadow

HRMO sang Kapitolyo gin re assign sa Office of the Governor

Pamuno sang Human Resource Office sang Negros Occidental ang gin re-assign sa office of the governor effective kaina sang udto.

Ini kasunod sang petition nga gin padangat sang Progressive Alliance of Capitol Employees kontra kay Atty. Anabelle Palic.

Suno kay Provincial Administrator Rayfrando Diaz ginpamatian sang gobernador ang sentimiento sang mga petitioner nga karon nagdangat na sa 560.

Sa ginpapanaog nga order sang gobernador si Felomena Guzon ang gin assign nga mangin OIC sang PHRMO.

Suno kay Diaz siya ang pagabuligan sang team nga iga assign man sa iya. Lakip na diri ang pag pat od sa mga alegasyon sang PACE batuk sa kay Palic.

Si Guzon ang gikan man sa PHRMO kag naga sunod sa position ni Palic.

Si Palic naman suno kay Diaz ang iga assign bilang in charge sa transition sang pag take over sang Kapitolyo probinsyal sa CyberCentre. Kinahanglanon ang persona nga mag tutok para diri.

Wala na sang kinahangalan pa nga sabton si Palic suno kay Siaz bangud wala man sang kaso nga gin file batuk sa iya kag ang kaundan sang petition pagpautwas sang sentimiento batuk sa iya.

Problema sa pag process sang clearances, plantilla kag issue sa mga leave pila lamang sa gina reklamo kontra kay Palic.

2019 pa suno kay Diaz may petition na ang PACE kag naistoryahan yadto amo nga napaiway amg pag file sang amo nga petition.

Suno kay Diaz sang tion ni anay governor Alfredo Maranon Jr ginkakas man sa pwesto si Palic kag gin reassign sa Governor’s Office.

Gina respeto sang kapitolyo ang mga sentimiento kag ang pag re assign nagatuyo man nga mag pangapin sa interes sang mga petitioner kag indi magamit ni Palic ang iya nga position ukon otoridad para magbalos sa ila.

Gin paiway anay ni Palic pag atubang sa media subong nga adlaw bangud sang isa ka scheduled meeting.

Secured By miniOrangeSecured By miniOrange