
Gina pa account sa karon sang Task Force Kanlaon, kun pila pa gid sa mga housing projects sang gobyerno ang wala pa na gamit bangud gina lantaw ang posibilidad nga sarang mapa gamit sa mga dugang nga evacuees enkaso nga magsaka sa alert level 4 ang bulkan Kanlaon.
Suno kay Task Force Kanlaon head, Raul Fernandez, kahapon nagsapol sila sa mga LGUs nga may yara sang housing projects upod sa National Housing Authority para mapat-od kun pila pa diri ang pwede temporaryo mapagamit.
May walo ka mga LGU nga may yara sang housing projects nga ila ginsapol kag nalakip diri ang Bacolod, Sagay, Victorias, Manapla, Silay, Cadiz, EB Magalona kag Escalante.
Pila man sa sining mga housing projects nga gina pa inventory mga Yolanda housing projects.
Suno kay Fernandez, may mga unoccupied sa sining mga housing projects ugaling na award na gani indi na pwede nga temporaryo mapagamit.
“Nagkaroon kami ng meeting with some LGUs dito sa north, yung may mga housing with NHA we’ve requested na ma inventory, yung mga unoccupied na pwedeng magamit temporary evacuation center. Ang iba unoccupied pero na award na sa mga recipients so medyo alanganin na”, suno kay Fernandez.
Ang banwa sang La Castellana nga may 37,000 tubtob 40,000 ka mga pumuluyo nga iga evacuate kun magsaka sa alert level 4 ang naga lantaw man sa contingency plan sini sang pag pahamtang sang relocation sites sa mga LGU sa norte nga bahin sang probinsya kaangay sa Silay kag Talisay suno kay Mayor Rhummyla Nicor-Mangilimutan.
Pero ang immediate relocation site nila suno kay Fernandez ang tent city sa Himamaylan kag ang pag gamit sang Himamaylan National High School.
Ang contingency plan ang iga present sa Regional Inter-agency Coordinating Cell.
Samtang, gin siling naman ni Fernandez nga ang siudad sang Bago ang naga plano sang Memorandum of Agreement sa Talisay City para man sang posible relocation sang pumuluyo sini angut sa sitwasyon sang Kanlaon.