Pondo para sa housing kag resettlement para sa mga apektado sang bulkan Kanlaon ang nalakip sa priority para sa 2026 kasubong man mga proposed infrastructure projects sa idalom sang Kanlaon Recovery and Development Program.
May P1.5 billion nga balor sang mga projects sa idalom sang KRDP ang nalakip sa priorities sini nga 2026 kasubong man for implementation.
Ginsiling ni Office of the Civil Defense Regional Director, Donato Sermeno, III, nga sa Hulyo 24 maga submit na sila sang mga kinahanglanon nga document para sa gina propose nga projects sa idalom sang KRDP.
May P312 million nga proposed budget para sa Housing and resettlement. Sa infrastructure projects may P1.2 billion, sa Social Welfare may yara sang P62.5 million kag P50,000 para sa governance.
Ang source of fund suno sa iya amo ang NDRRMF.
Sa karon suno kay Sermeno padayon nga gina hulat ang dokumento ukon ang pag transfer sang title sa gin-donate nga duta para sa relocation site sang La Castellana.
Ang duta ang gin-donate sang Negros Occidental. Padayon ang processing suno sa iya. Nalakip man sa priority projects ang relocation site sang mga apektado sa Canlaon City.
“Sang July 10 ang deadline nag submit sila. Subong gina vet namon, gina lantaw namon ang completeness niya. Kay sa July 24 amo na ang pag submit namon sa Central Office para masuguran ang pag process sang pag download sang priority programs, projects and activities for 2026”, suno kay Sermeno.
[sibwp_form id=1]