Ang house-to-house vaccination campaign ang naga pabilin nga pinaka epektibo sa Covid-19 vaccination campaign.
Ini suno kay Provincial Health Officer, Dr Ernell Tumimbang nga nag siling nga mahinay sa gihapon ang pag idog sang vaccination program pero ila gina buhat ang tanan labi na sa pag lab-ot sang mga senior citizen. Mas daku ang pagpanghangkat labi na ang mga yara sa nabukid nga barangay.
Suno kay Tumimbang indi man pwede nga sila ang hulaton sa gintalana nga mga vaccination center kundi sakaon gid kag kadtuan balay-balay nga amo sa karon ang gina patuman sang PHO.
90 percent sang mga senior citizen ang dapat mabakunahan sa PinasLakas target kag 50 percent naman sa general population ang dapat madapatan sang booster shot.
Sa PinasLakas strategy ginasunod sang PHO ang pagpahamtang sang pagpangbakuna sa mga malls, eskwelahan, bus station kag mga mercado.
67.94 percent ang fully vaccinated sa target karon sang probinsya sa September 3 nga report sini.
566,366 pa ang dapat lalab-uton ukon dapat mabakunahan.