Tigaylo sang house to house campaign, ginalantaw sang probinsya ang pagpatuman sang house to house vaccination.
Ini suno kay Negros Occidental Governor Eugenio Jose Lacson kasunod sang feedback mga mahinay ang pag idog sang vaccination program sa ika apat nga National Vaccination Days nga gin sakdag.
Suno kay Lacson indi pwede nga magbutang lamang sang isa ka vaccination center kag maghulat sang mga magapa bakuna. Kinahanglan na suno sa iya ang pagpatuman sini sa balay-balay.
58.59 percent sa target sang probinsya ang fully vaccinated sa march 13 nga report sang DOH Western Visayas.
Samtang, ginahulat naman sang probinsya kun ano ang mangin bag-o nga alert level sang Negros Occidental sumugod Marso 16.
Sa DOH report minimal ang risk classification sang Negros Occidental. Padayon ang pagnubo sang Covid-19 cases sang probinsya.
71 ang active cases sa March 13 nga report sang Provincial Incident Management Team kag tatlo naman ang gin report nga new cases.
Maga pa gwa sang executive order si Lacson sango sa mangin alert status sang Negros Occidental nga ipapanaog sang National Inter-Agency Task Force.