Mismo diri sa Negros Occidental patigayunon ang House-Senate inquiry angut sa gina atubang sa karon nga pag panghangkat sang industriya sang kalamay.
Gin-announce ni third District Representative Javier Miguel Benitez nga maga host sini nga ang amo nga House-Senate inquiry ang patigayunon sa Enero 23 kag ini ang pamunuan ni Representative Mark Enverga para sa House kag ni Senador Francis Pangilinan para sa Senado.
Suno kay Benitez ini kasunod sang resolution nga iya gin-file kun sa diin siya ang nagpanawagan sang joint House-Senate inquiry sa sugar industry.
Importante ini nga bagay para tigayon mabatian ang mga tingug sang farmers suno kay Benitez para mabuligan ang sugarcane industry.
Gina abi-abi ini ni Negros Association of Chief Executives, Cadiz Mayor Salvador Escalante, Jr.
Maayo na man lang gid nga ma klaruhan ang tanan suno kay Escalante. Damlag pa nag padala man sang ila nga panindugan ang Negros ACE paagi kay Agriculture Sec Francisco Tiu Laurel para sa presidente. Para kay Escalante mas mayo nga ma institutionalize ang mga policies kaangay na lamang sa sugar importation nga isa man sa gina lantaw naga apekto sang industriya.
May grupo sang sugar planters naga siling nga yara ini karon sa krisis. Ang pag sarurot sang presyo labing naga apekto sa mga sugar farmers kag millers suno sa ila. May yara gani sang mga naga lantaw nga maga biya na sa pag pananum sang tubo bangud sang kapierdehan suno sa ila.
“May mga positive development naman nga gin implement sang SRA. Pero manami gid nga ma institutionalize bala haw. Mayo kay si Senator Kiko is involved, daku nga bagay. Kay si Senator Kiko is more on institutionalizing policies. So in our case, sa sugar industry, importation. May mga parameters that should be met, before maka trigger sang importation proceedings. Nami in institutionalize na, indi lang guro sa sugar, even sa rice, to protect the industry”, suno kay Escalante.*