Sumugod sa weekend maga-inabot na ang kapin 2,000 ka mga golfers para sa tuigan nga interclub golf tournament sa Bacolod.
Pagasundan ini sang mga magabisita para sa 89th National Convention of Local Treasurers and Assessors ukon PHALTRA sa madasun nga sinemana. I
ndi magnubo sa 3,000 ka mga local treasurers kag assessors ang magatambong sa amo nga convention.
Gani karon pa lang ginsiling ni City Tourism Officer Ma.Teresa Manalili nga halos fully-booked na ang mga hotels karon nga Pebrero.
Sa Bacolod man natalana ang Bacolod Esports Enthusiasts Convention ukon BEECON 2025, isa ka pagtililipon sang mga online gaming and sports developers and enthusiasts nga paga tambungan sang kapin 3,000 ka attendees.
Gindugang ni Manalili nga dako nga opportunidad para sa local tourism ang paghiwat sang mga kasubong nga convention nga nahandaan na upod man sang mga hotel and restaurant management, katapo sang Bacolod City Police Office, Bacolod Traffic Authority Office kag iban pa nga stakeholders.