Holy Family Parish Office sa City Heights Subdivision sa Brgy. Taculing sa Bacolod ginsulod sang kawatan.
Naabtan na lamang sang sektetarya sang simbahan nga si Vicenta Arroyo nga bukas na ang opisina nila kag nagalinapta ang mga papeles, gani gilayon nila ginreport sa PNP.
Ginguba ang pwertahan sang opisina, ginkakas ang mga bintana kag ginbuksan ang mga kabinet apang maayo lang nga wala sang importante nga mga dokumento nga nadula.
Para kay Arroyo, mga pamatan-on lang sa lugar ang nagsulod sa simbahan, bangud mga sinsilyo nga nagabalor sang P1000 lang ang ginkuha sang mga kawatan.