Hatagan sang prayoridad sang probinsya sa assistance ang banwa sang Hinoba-an kag siudad sang Sipalay nga kabahin sang tuman nga apektado sang mag-igo ang bagyo Odette.
Suno kay provincial administrator Rayfrando Diaz gamay lamang nga assistance ang ila nabaton gikan sa national government nga posible tuga man sang uilhi nga pag report sa kadakuon sang kahalitan nga natuga sang bagyo sa ila nga mga lugar.
Isa sa mga labing apektado sang mag igo ang bagyo amo ang communication lines. Nangin mabudlay ang komunikasyon sa mga lugar sa pila ka adlaw.
Gintinguhaan man sang probinsya nga i-update ang una nga mga report nga ginpadala gikan sa amo nga mga lugar. Daku man ang kahalitan sang kabankalan pero daku man ang bulig nga nabaton sini gikan sa assistance sang national government.
Mangin santo ang pag release sang assistance sang probinsya sa kadakuon sang halit nga natuga sa kada lugar.