Banwa sang Hinigaran ang may positibo na nga kaso sang ASF. Samtang may nagdugang naman nga barangay sa Silay City nga may kaso sang ASF.
Sa June 9 nga report sang Bureau of Animal Industry, nag positibo sa African Swine Fever ang baboy gikan sa Barangay Anahaw.
Sa amo man nga report, may ASF positive man sa Barangay Lantad kag Hawaiian sa Silay City.
Damlag pa, may ASF na nga kaso nga gin report sa Brgy Patag kag Guinhalaran sa Silay City.
May ASF man nga kaso base sa amo nga report sang BAI sa Barangay 5 sa Victorias City.
Suno kay Hinigaran Mayor Nadie Arceo sila ang damlag pa nag patigayon sang testing sa Barangay Anahaw kag Camba-og.
Suno sa iya may positibo nga kaso sang ASF sa Camba-og.
May dose ka mga barangay sa Hinigaran ang nag report may nagkalamatay nga baboy nga nagdangat na sa 541 sa karon.
Tuyo mag hatag sang banwa sang assistance. 500 pesos sa mga namatyan sang idik kag 1000 naman sa mga dalagko nga baboy.
Suno kay Engr Albert Barrogo ang OIC sang Department of Agriculture 6, may programa ang DA nga mabuligan ang mga apkektado sang ASF pero ini ang para sa repopulation na ukon yadtong naga recover na.