Shadow

Himata sang convicted drug lord sa Bacolod, patay sa pag paniro

BCPO photo

Patay sa pag paniro sang Biyernes sang gab-i ang 62 anyos nga si Lino Cuadra sa Northbound Terminal sa Barangay Bata sa Bacolod.

Suno kay Maj. Richard Fajarito, hepe sang Police Station 3, si Cuadra ang naga hulat lang sa iya abyan nga tabuon niya kun tani sa terminal sang siya ang gin paarakan tiro sang wala pa makilal-an nga mga suspek nga sakay sa pula nga Toyota Innova.

22 ka basiyo sang 45 caliber pistol, walo ka fired bullets kag duha ka deformed slug ang nakuha sa crime scene.

Nabudlayan pa karon ang PNP sa pagkikala sa mga suspek bangud sa wala man sang may nakakita suno kay Fajarito.

Sila ang nakakuha man sang kopya sang CCTV pero indi man klaro ang itsura sang mga suspek bangud sa madulom kag naga inulan pa.

Ginahibalo pa suno kay Fajarito sang kapulisan kun isa ang iligal nga droga sa motibo sa pag patay kay Cuadra bangud sa siya ang himata man sang convicted drug lord nga si Boy Cuadra kag ang iya anak ang nadakpan man sang 2019 bangud sang iligal nga droga.

Pero gin siling ni Fajarito nga wala sa drugs watchlist sang Police Station 3 ang biktima kag ila hibaluon kun siya ang yara sa watchlist sang iban nga mga police stations.

Isa lang sa ginatutukan nga anggulo karon sang PNP suno kay Fajarito amo ang kahilabtanan ni Cuadra sa pag paniro sa duha ka pulis.

Isa si Cuadra sa lima ka suspek sa pag pangluthang kun sa diin isa ka pulis ang napatay kag isa ang napilasan sang tuig 2012 sa Goldenfields Commercial Complex.

Padayon karon ang imbestigasyon sang PNP sa kaso.

Leave a Reply

Your email address will not be published. Required fields are marked *

Secured By miniOrangeSecured By miniOrange