Himamaylan PNP sa karon ang naga usisa man sa gina-alegar pag panukot sang isa ka persona sang registration para sa luyag mag avail sang financial assistance gikan sa Office of the Vice President.
Suno kay Lt Col Reynante Jomocan, ang hepe sang Himamaylan City PNP, duha ka adlaw nagligad nagpadulong sa ila nga istasyon si Punong Barangay Mildred Titular kag ginpadangat nga may babaye sa Brgy Carabalan nga naga panukot sang 50 pesos gikan sa mga yadtong gusto mag avail sang bulig gikan sa talatapan sang bise presidente.
Nagpadala na sang tropa si Jomocan sa lugar para ma-usisa kag makita man ang natungdan.
Nag coordinate man siya sa militar bangud nga malayo ang lugar labi na nga sa nabukid ini nga bahin.
Indi pa nila mapat-od kun may natabo gid man nga pag pangkolekta, Nag paandam na ang Office of the Vice President sa publiko batuk diri kag nakasaad nga ang kasubong nga mga hilikuton isa ka scam.
“Wala pa naman siya complainant. Nag-inform ang aton punong barangay nga amo na may certain isa ka babaye, naga libot siya sa mga sitio informing nga gina register niya intended for the program sang aton Vice President. P50 kuno daw. Ang aton imbestigador ato pa sa babaw”, suno kay Jomocan.