Nagbaton sang isa ka truck sang relief goods ang siudad sang Himamaylan gikan sa talatapan ni Presidente Ferdinand Marcos, Jr.
Sa page ni Himamaylan Mayor Raymund Tongson iya gina pasalamatan ang presidente sa nabaton nga isa ka truck sang relief goods para sa mga pumuluyo nga apektado sang engkwentro nga nagluntad sa tunga sang militar kag rebeldeng NPA.
Suno kay Negros Occidental Governor Eugenio Jose Lacson, ang mensahe nga gina palab-ot ni Presidente Marcos amo nga kun may kinahanglanon ang mga apektado gna pumuluyo dapat ang DSWD ang handa nga maghatag sang assistance.
May mga 3,500 ka mga pumuluyo ang nagbiya sadto sa ila nga mga puluy-an sang magluntad ang sunod-sunod nga engkwentrohanay sa Brgy Carabalan.