2023 nga savings sang siudad sang Himamaylan ang paga gamiton nga pondo para mabuligan ang mga apektado sang El Nino Phenomenon sa siudad.
Suno kay Mayor Raymund Tongson, may 23 million pesos savings gikan sa calamity fund sang 2023 ang siudad nga amo ang paga gamiton para sa mga proyekto nga makabulig sa mga mangunguma kag pumuluyo nga apektado sang tuman nga tig-linit. May 11 tubtob 13 ka barangay ang may problema sa supply sang tubig sa siudad suno kay tongson. Mga infrastructure projects, food packs, livelihood support kag bisan pa water filter machine ukon truck ang tuyo nga paga gamitan sang amo nga pondo. Dugang pa ni Tongson indi lamang rice farmers kundi pati man sugar planters ang apektado sa Himamaylan City.
“Just recently nag-augment gid kami 23 million pesos. May ara kami savings last year from the calamity fund. So gin augment ni namon for more projects pertaining to El Nino so gina tapos na lang sang Sangguniang this week ang ila legislative functions and then ma implement na kami sang sina nga fund”, suno kay Tongson.
Naghuyang naman ang El Nino Phenomenon suno sa DOST Pagasa pero tubtob sa bulan sang Mayo gina paabot ang drought sa Negros Occidental.