Siudad sang Himamaylan ang napahibalo na nga manug download na ang pondo para sa tent city.
Ginsiling ni Himamaylan City Mayor Raymund Tongson nga handa kag plastado na ang tanan sa tent city nga gintukod sa Himamaylan nga sarang magamit kun mag saka sa alert level 4 ang bulkan Kanlaon.
Nalipay man siya nga wala pa ini ma activate bangud nagakasayuran nga wala naglala ang sitwasyon tuga sang bulkan Kanlaon.
Ang regional office ang nag pahibalo na sa iya nga opisina nga manug download na ang 62 million pesos nga pondo nga damlag pa ila gin request para sa tent city.
Damlag pa ginpahayag sang Office of the Civil Defense nga gin-approve na ni Presidente Ferdinand Marcos, Jr., ang masobra sa 200 million pesos nga ginhinyo sang mga Kanlaon affected LGUs kag ini ang ipaagi na lamang sa DBM.
Nalakip na diri ang para sa Himamaylan. Suno kay Tongson ang pondo ang ginhinyo ang maga augment sang mga kinahanglanon pa sa tent city.
300 ka tolda gikan sa Office of the Civil Defense ang gintukod sa Brgy 3 sa Himamaylan para sa tent city.