Arestado ang isa ka lalaki nga ginakabig high value individual sa ginpatigayon nga buy-bust operation sa Purok Oraro, Barangay 4 sa Bacolod City Hwebes sang kaagahon.
Ginpatigayon sang katapo sang City Drug Enforcement Unit ang buy-bust batok sa subject nga si alias Niknik, 52-anyos.
Nakuha sa subject ang apat ka sachets sang ginasuspetsuhan shabu, lakip na ang buy-bust item, kag P1,000 nga marked money.
Ginabulubanta nagabalor P374,000 ang nakumpiksar nga iligal nga droga sa suspek.
Siya karon ang magapangatubang sang kaso nga pagsupak sa Republic Act 9165 ukon Comprehensive Dangerous Drugs Act of 2002.