Isa ka high powered nga armas, 38 mm revolver, mga bala kag mga war materials ang pila sa mga na-recover sang militar sa encounter nga natabo Martes sang aga sa Toboso.
Suno kay Col Erwin Rommel Lamzon ang Chief sang 3rd Division Public Affairs Office naga pati sila nga may duha ka mga persona ang naga panag-iya sang mga armas nga ila na-recover.
Mahimo nga ini sila ang naigo sa pagbayluhanay lupok ukon nabuy-an nila ang armas.
As of press time gina-confirm pa gikan sa 79th Infantry Battalion nga amo ang na engkwentro sang mga remnants sang Northern Negros Front kun may nasamaran man sa bahin sang rebeldeng NPA.
Naga pabilin sa estable nga kondisyon ang tatlo ka soldado nga nasamaran suno sa militar.
Padayon pa ang clearing operation. Gani wala pa makapauli ang mga evacuees gikan sa mga kaiping nga lugar. Suno kay Councilor Richard Jaojoco, nagsaka sa 412 ang persona nga ila gin-evacuate kag depende sa sitwasyon mahimo nga madugangan pa ini.
May mga gin-report man nga naghilanat sa evacuees. Nahatagan na sang ila nga mga kinahanglanon ang evacuees, nag-release naman sang assistance ang kapitolyo probinsyal, San Carlos City kag Office of the Vice President.
Samtang, may pa lechon ang banwa para sa evacuees karon nga gab-i.
Ginsiling man ni Jaojoco nga ginalantaw man ang posible pag release sang local AICS ukon Assistance to Inviduals in Crisis Situation.
Sa pihak nga bahin, ang klase sa General Luna Elementary School kag Tabun-ac Elementary School ang suspended sa gihapon bwas, Hwebes suno kay Jaojoco.
“Ano na to, running operations na ni, kay sang February pa, somewhere in the middle of February nag-umpisa na itong pag pursuit ng 79th dito sa remnants ng Northern Negros Front. And then nung 5 March meron na silang naging engkwentro doon. Si ito, hinabol-habol nila so mga operating troops ng 303rd Brigade kino-corner na ito and then ining elements sang 79th mao pa ning naka engkwentro sa ila”, suno kay Lamzon.