Site icon Digicast Negros

Helper sang truck nga nabatian naga pangayo sang tabang, ika duha pa lang nga adlaw sa trabaho

YouTube player

Bitbit pa ni Elenita Garica ang litrato sang iya trentay dos anyos nga anak nga si Diany.

Naga hulat sila nga ma dul-ong na sa ila nga balay ang bangkay sang iya anak.

Si Diany ang isa sa apat ka mga napatay nga persona sa bungguanay kag pagka sunog sang duha ka mga wing van sang kahapon sang kaagahon sa highway sang Valladolid.

Driver sang truck nga may karga nga foam si Diany kag tumandok sang Hacienda Pula, Barangay E. Lopez sa Silay City.

Indi pa mabaton ni Elenita ang brutal nga kamatayon sang iya anak.

Masami kuno ini nga naga paluto sang sud-an kada mag abot gikan sa trabaho. Pito na siya ka tuig nga naga trabaho bilang driver sang truck. May duha pa siya ka mga magagmay nga mga anak.

Sa Hacienda Pula man naga puyo ang kaupod niya nga helper nga nasunog nga si Evel Elostrisimo. 24 anyos pa pa lang si Evel kag ika apat sa siyam ka mga mag ulutod.

Sang matabo ang aksidente, ika duha niya pa lang nga adlaw sa trabaho.

Dugang pa sang iya utod nga si Lira, sa una niya nga adlaw gikan sa trabaho, nagdala pa siya pauli sang mga pagkaon para sa ila nga pamilya.

Sanday Diany kag Evel ang sakay sa wing van sang Rivson gikan sa Bacolod pa Dumaguete City.

Suno sa PNP posible nga nalab-ot sang wing van nga naka bunggo sa ila ang fuel tank sang ila nga truck nga nangin kabangdanan sang pag sugod sang kalayo.

Sakay naman sa pihak nga wing van ang mag utod nga Wendel kag Carlo Larios sang Mabinay town, Negros Oriental gikan naman sila sa Dumaguete kag padulong sa Bacolod.

Sa imbestigasyon sang pulis, naglapaw sa iya nga lane ang wing van nga gina sakyan sang mga Larios kag ila na bungguan ang wing van naman nga gikan sa Bacolod.

Ginsabat sang tagsa ka kompanya ang pag prekorar sang ila nga mga bangkay.

Exit mobile version
Skip to toolbar