Senate Committee hearing sa NEPC franchise application ginsuguran na.
Sa hearing nga ginpangunahan sang Senate Committee on Public Services ginpabutyag sang katapo sang Anti JVA Coalition ang mga pagpamatuk sa napatuman nga plebisito nga nagpabor sa joint venture agreement sa tunga sang Ceneco kag Primelectric Holdings Incorporated.
Nanindugan naman ang pamunuan sang Ceneco kag Primelectric upod sa National Electrification Administration nga nasunod ang mga requirements para sa plebisito santo sa mga pagsulundan.
Pero ginhinyo gihapon sang Anti JVA coalition kay Senador Grace Poe nga maimbestigahan ang JVA.
Ang hearing ang ginpatigayon may angut sa franchise application sang Negros Electric and Power Corporation bunga sang natukod nga JVA sa tunga sang Ceneco kag Primelectric.
Para sa Senadora indi niya man luyag nga ma-delay ang mga tikang kag development project nga sarang makabulig sa ekonomiya sang Negros Occidental.
Pero naghinyo na siya sang affidavit gikan sa magtimbang nga bahin antes pa man desisyunan ang franchise application sang NEPC.