Sa Nobyembre 5 natalana ang hearing sang Committee on Public Accounts, sang kongreso angut sa gina alegar irregularity sa procurement process sang infrastructure kag iban pa gid nga proyekto sa Silay City.
Angut sa amo nga scheduled hearing sa Belmonte Hall sa House of Representatives kag sa tuyo sang transparency kag public service, gina agda si Silay City Mayor Joedith Gallego sa pag tambong.
Ang imbitasyon ang gina pa extend man sa City Administrator sang Silay, mga opisyales kag katapo sang Bids and Awards Committee, City Engineering Office, ang Silay City OBO kasubong man ang Budget, Accounting ang Treasury Offices nga may angut sa amo nga pag pangusisa.
Ini ang initial hearing hearing sa privilege speech ni Congressman Joseph Stephen Paduano nga gin-deliver sadtong Setyembre 9 sa tuyo nga ma address ang gina alegar irregularities sa procurement process sang 1.4 billion pesos nga balor sang infrastructure kag iban pa nga mga proyekto.
Ginkumpirma ni Gallego nga nabaton niya ang imbitasyon pero ini ang iya pa nga gina plastar labi na nga may activity man sa Silay angut sa Negros Day Celebration sa amo nga adlaw.
Damlag pa ginhimutig na ni Gallego ang mga alegasyon kag nag panindugan nga nasunod ang mga proseso.
“Amo pa na subong ang gina tan-aw. Indi pa ko ka ano subong pero makadto gid ko to. Nov 5 na siya, pero gina lantaw ko nga may dungan nga activity”, suno kay Gallego.