Shadow

Hearing para sa masobra sa 10,000 ka mga nagpa rehistro sa Bacolod Comelec madayon

Magapadayon ang election registration board hearing sa voter’s registration application nga naka schedule sumugod sa Lunes.

Ini suno kay Bacolod elections officer Atty Kathrina Trinio-Cana, nga nagsiling nga naka schedule ang ERB hearing humalin July 19 tubtob 23.

Sa datus sang Comelec, may 242 ka mga voter registration applicants nga gin-oppose lakip na diri ang voter registration application ni anay congressman Albee Benitez.

May 19 ka mga oppositors nga nag-file sa mga registrants sang 15 ka mga barangay.

Humalin sang April 13 tubtob June 30, may 10,199 ka mga nag-file sang ila nga voter’s registration application sa Bacolod Comelec kag ini ang subject sa approval sang ERB.

Sa katapusan sang bulan suno kay Trino-Cana, ginalauman nga makapa gwa ang erb sang desisyon bahin diri.

Padayon naman ang voter’s registration sa talatapan sang Comelec kag sa karon sila ang naga-average sa 260 ka application nga mabaton sa kada adlaw.

Tubtob lamang sa September 30 ang registration.

Leave a Reply

Your email address will not be published. Required fields are marked *

Secured By miniOrangeSecured By miniOrange