Hearing para sa kasugtanan sang Bacolod LGU kag Yuhum Foundation ginsuguran. Sa hearing nga ginpangunahan sang Committee on Finance sang konseho wala maka submit sang kumpleto nga financial statement ang pamunuan sang Yuhum Foundation angut sa pag-organize sang MassKara Festival 2023.
Gani naghinyo si Councilor Thaddy Sayson sang audit report gikan sa foundation antes pa man desisyonan ang hinyo ni Mayor Albee Benitez angut sa paghatag sang authority to sign sa panibag-o nga kontrata sang foundation upod sa siudad sa pagpatigayon sang MassKara Festival activities sa Oktubre.
Iga ratify na lang sang konseho sa madasun nga sesyon ang kasugtanan angut sa liwat nga pagpatigayon sang Yuhum Foundation sang MassKara Festival activities. Luyag ni Mayor Albee Benitez nga temprano pa mapatpat na ang mga aktibidad para mas mahandaan ang tuigan nga festival.
Ginalauman naman ni Sayson sa sini nga tuig indi na manabon ang alkalde sa galastuhon sang okasyon.