Shadow

Hearing para sa bag-o nga rates sang Mambukal ginpatigayon

Hearing sa bag-o nga rates para sa Mambukal Resort and Wildlife Sanctuary ang ginpatigayon.
Humalin sang 2003 wala sang saka sa rates para sa accommodation kag mga recreation facilities nga napatuman.

2011 naman sang ulihi nga ginpatuman ang saka sa entrance fee.

Suno sa OCI sang Mambukal kasubong man ang Provincial Tourism Officer nga si Cheryl Decena, 120 pesos ang proposed rate para sa mga adult.

Pero ini ang magalakip na sang entrance fee kasubong man sang swimming kag dipping pool.

Para naman sa mga kabataan 60 pesos nga maga lakip na sang entrance fee kag swimming kag dipping pool.

May separado naman nga balayran nga environmental fee nga 20 pesos.

Sa daan nga rate ang entrance fee sa adult 50 kag sa kabataan naman 20 pero may separado nga mga balayran sa dipping pool kag swimming pool kun luyag sang mga natungdan nga mag gamit sini.

May 200 pesos man nga saka sa mga huts kag sa mga accommodation.

Ginalauman nga antes pa man magbukas tigayon na mapatuman ang third ang final reading para sa approval sang amo nga mga rates.

Suno kay Decena gina lauman nga maka bukas ang Mambukal sa ano man nga adlaw humalin Abril 18 tubtob 22.

Wala anay sang overnight nga posible sa mayo pa pwede mapatuman suno kay Decena.

Secured By miniOrangeSecured By miniOrange